ජෝර්දානයේ සේවය කරන ශ්‍රී ලාංකික කාන්තාවකට කොවිඩ් 19 වෛරසය ආසාදනය වී තිබෙනවා.
මැදපෙරදිග කලාපයේ රටක සිටින ශ්‍රී ලාංකිකයෙකුට කොවිඩ් වෛරසය ආසාදනය වූ පළමු වතාව මෙයයි.
දැනට මෙම කාන්තාව ප්‍රින්ස් හම්සා නමැති රෝහලේ ප්‍රතිකාර ලබමින් සිටින බවට එරට සෞඛ්‍ය අමාත්‍යවරයා මාධ්‍ය වලට ප්‍රකාශකර තිබෙනවා.
ජෝර්දානයේ මේ වන විට තහවුරු කරන ලද කොවිඩ් 19 ආසාදිතයන් හාරසිය එකක් වාර්තා වී ඇති අතර මියගොස් ඇති රෝගීන් සංඛ්‍යාව හතකි.
අද (17) මධ්‍යම රාත්‍රියේ සිට වෛරසය පැතිරීම පාලනය කිරීම සඳහා සමස්ත රටටම බලපාන පරිදි පැය 48ක ඇඳිරිනීති තත්ත්වයක් පැනවීමට ජෝර්දාන බලධාරීන් තීරණය කර තිබෙනවා.
