හෙට රට විවෘත කිරීමෙන් පසුව යළිත් කොරෝනා රෝගීන් හමු වුණොත් එම ප්රදේශ පමණක් තාවකාලිකව වසා දැමීම කෙරෙහි රජයේ අවධානය යොමුව තිබෙනවා.
පසුගිය මාර්තු 19 සිට ඇඳිරිනීතිය රටේ එක් එක් දිස්ත්රික්කවලට පනවනු ලැබුවා. නමුත් කොරෝනා රෝගීන් වැඩි වශයෙන් හමු වූ බස්නාහිර හා පුත්තලම දිස්ත්රික්කවල මාර්තු 24 දින සිට අඛණ්ඩව තවදුරටත් ඇඳිරිනීතිය ක්රියාත්මක වෙනවා.
කෙසේ වෙතත් එහිදී ලැබූ අත්දැකීම් අනුව ඉදිරි කාලයේදී කොරෝනා රෝගීන් හමු වුණොත් එය ව්යාප්තිය පාලනය කිරීම සඳහා එම ප්රදේශ පමණක් තාවකාලිකව වසා දමා රෝගීන් ඇසුරු කළ සමීපතමයන් පරීක්ෂා කර නිරෝධායනයට යොමු කරන බව අත්යවශ්ය සේවා පිළිබඳ ජනාධිපති කාර්ය සාධක බලකායේ ප්රධානි බැසිල් රාජපක්ෂ මහතා පවසනවා.
