ඉදිරියේදී කොරෝනා ආසාදිත රෝගීන් ගැන නොව කොරෝනා ආසාදනයෙන් සිදු වූ මරණ ගැන කතා කිරිමේ තත්ත්වයක් නිර්මාණය වෙමින් පවතින බව රජයේ වෛද්‍ය නිලධාරීන්ගේ සංගමයේ සංස්කාරක වෛද්‍ය හරිත අලුත්ගේ ප්‍රකාශ කර සිටිනවා.
09 වෙනිදා මේ ඇඳිරි නීතිය ඉවත් කරනවානම් සලකා බැලිය යුතු කාරණා කිහිපයක්ද ඔහු සඳහන් කර තිබෙනවා.
ඒ අනුව, ඔහු සඳහන් කළ තීරණාත්මක කරුණු වන්නේ,
මේ වන විට රෝග ව්‍යාප්තිය පාලනය කර තිබේද යන්න
ආසදිතයින්ගේ සියලු ආශ්‍රිතයින් සොයා ගෙන අවසන් ද යන්න
මේ හරහා සමාජයට අවධානමක් නැද්ද යන්න
සොයා ගත් ආශ්‍රිතයින් කවුද ඔවුන් සියලු දෙනාටම PCR පිරික්ෂණ සිදුකොට ඔවුන්ගෙන් ආසාදිතයින් කවුද, ඉදිරියේදී ආසාදිතයින් විය හැකි අය කවුද, ආසාදිතයින් නොවන අය කව්ද කියලා සොයා බැලීමයි.
රටේ ආර්ථිකය හමුවේ ඇඳිරි නිතිය ඉවත් කිරීමට කටයුතු කළද, සෞඛ්‍ය මුලික හරයන් අමතක කිරීමට නොහැකි තත්ත්වයක් මේ වන විට නිර්මාණය වී ඇති බවයි වෛද්‍ය හරිත අලුත්ගේ වැඩිදුරටත් සඳහන් කළේ.
