ඊයේ රාත්‍රී කාලයේ මාතර බන්ධනාගාරය තුළ ඇති වූ කලාකාරී තත්ත්වය මේ වන විටත් මුළුමනින්ම පාලනය කරගැනීමට හැකියාවක් ලැබී නැති බව වාර්තා වෙයි.
ඒ හේතුවෙන් පොලිසිය, විශේෂ බලකාය, යුද හමුදාව බන්ධනාගාර පරිශ්‍රයට ගෙන්වා ඇත.
තත්ත්වය පාලනය කිරීම සදහා රැඳවියන්ට භාරවීමට අවස්ථාවක් ආරක්ෂක අංශ විසින් ප්‍රකාශයට පත් කර තිබේ.
බන්ධනාගාර රැඳවියන් විසින් මේ වන විට බන්ධනාගාරයේ ඖෂධ, ජංගම දුරකථන තම භාරයට ගෙන ඇති බවද සඳහන් වෙයි.
මෙම කලහකාරී තත්ත්වය ඇති වුයේ එහි රඳවා සිටි මත්ද්‍රව්‍ය ජාවාරම්කරුවෙක් වෙනත් බන්ධනාගාරයක් වෙත මාරු කිරීමට ගත් තීරණයත් සමඟය.
