ඊයේ දිනයේදී දිවයින පුරා කොරෝනා වෛරසය හඳුනා ගැනීම සඳහා සිදුකරන PCR පරීක්ෂණ 500ක් සිදුකළ ද එකඳු කොරෝනා ආසාධිත රෝගියෙක් වාර්තා නොවූ බව සෞඛ්‍ය අධ්‍යක්ෂක ජනරාල් විශේෂ වෛද්‍ය අනිල් ජාසිංහ සඳහන් කර සිටිනවා.
රෝහල් ගතවී රෝග ලක්ෂණ පෙන්නුම් කරන පුද්ගලයින්, නිරෝධායන මධ්‍යස්ථානවල සිටින පුද්ගලයින් සහ රෝගය ඇතැයි සැක කරන අවදානම වැඩි පුද්ගලයින්ට මේ වන විට PCR පරීක්ෂණය සිදුකරන බවද සෞඛ්‍ය අධ්‍යක්ෂක ජනරාල්වරයා ප්‍රකාශ කළා.
මේ වන විට දිවයින පුරා පර්යේෂණාගාර 13ක PCR පරීක්ෂණය සිදුකරන අතර හෙට දිනයේ සිට මඩකළපුව ශික්ෂණ රෝහලද එම පරීක්ෂණ කටයුතු ආරම්භ කරන බවයි සෞඛ්‍ය අධ්‍යක්ෂක ජනරාල් විශේෂ වෛද්‍ය අනිල් ජාසිංහ කියා සිටියේ.
